تحليل نفسي لطلبة الجامعات وخصوصا فلسطين

اللي بدخل وما برد ياويلو مني

> أحضر ورقة وقلم وجاوب على كل سؤال بإختيار الرمز أ ، ب ، ج ، د ... ثم قارن إجاباتك بالحل الموجود

بالأسفل.
--------------------------------------------
تحليل نفسي لطالب الجامعة
1- داخل المحاضرة تحس بــ :
أ) نعاس شديد.
ب) أفكار مبدعة.
ج) حيوية زائدة.
د) ملل.

2- كلمة Break تعني لك :
أ) يلا نأكل
ب) يلا نفيع.
ج) حل الواجبات.
د) نقعد ونتفرج على اللي رايح واللي جاي.

3- دخلت على المحاضرة متأخر وحكالك الدكتور ما في تفوت (انتو عارفين مين قصدي ) :
أ) بتطلع وأنت مبسوط 'أجت منه'.
ب) بلاش، فوق ما جاي تحضر!
ج) بتتأسفله وبتناقشه عشان يفوتك.
د) بتفوت ولا كأنه في حدا.

4- إذا رن موبايلك بالمحاضرة :
أ) بتجاوب ولا كأنه في حدا بالمحاضرة.
ب) بتنعجق وبصير وجهك أحمر قبل ما يحكيلك الدكتور شي.
ج) ما بتنتبه انه إلك وبيظل يرن.
د) بتسكره وبتعمل حالك ولا إلك دخل

5- أكثر مكان بتقضي فيه وقتك في الجامعة:
أ) عند مدرج الجامعة.
ب) وين ما بتلاقي ناس بتدحش حالك.
ج) في المكتبة.
د) الكافتيريا.

6- دخلت على امتحان 64 نموذج وكان الامتحان كثير صعب والأسئلة multiple choice:
أ) بتغش من اللي قدامك حتى لو مش نفس نموذجك.
ب) بتشير وبتطلع.
ج) بتحاول حتى النهاية يمكن ينزل الوحي.
د) بتستنى آخر الامتحان يمكن فاعت القاعة وقدرت تغش من واحد مثل نموذجك.

7- بآخر ربع ساعة من المحاضرة بتكون:
أ) نعسان لدرجة انك مش شايف الدكتور.
ب) سرحان بتفكر بكل شي ماعدا موضوع المحاضرة.
ج) بتظل مركز مع الدكتور
د) جوعان ومعدتك بتطبل

8- كنت ماشي بين المبنى الاول والتاني ووجدت مصباح علاء الدين وطلعلك المارد:
أ) بتنعجق وبتطلب منه 10 دنانير
ب) بتخللي يحملك لآخر الطريق
ج) بتطلب منه يجيبلك أسئلة الامتحانات الجاية
د) ما بتعبره لأنك أكيد عم تحلم

9- تراودك فترة الامتحانات الأحلام التالية:
أ) كوابيس انه الامتحان أجا وانت مش دارس
ب) انك بتضحك كثير ومش قادر تتحرك
ج) انك بتحل معادلات وبتجمع وبتضرب بس الجواب مش طالع معاك
د) ولاشي .. بتنام وبتصحى ولا كأنك نمت

10- أعطاكم الدكتور واجب:
أ) بتعرف قبل المحاضرة انه اليوم عندك تسليم الواجب وبتشفه من صاحبك
ب) قبل المحاضرة بتروح على المكتبة وبتحاول تحل أي شي
ج) بتكون حاله من البيت وعامل أحلى غلاف
د) ما بتسلمه للدكتور لأنك مطنش ومش هامك

11- بتصل فيك صاحبك وبحكيلك طالعين بالليل وبكرة عندك امتحان صعب:
أ) ما بتطلع وما بتدرس بس بتربط المنبه على 3 الفجر عشان تدرس بس ما بتصحى
ب) بتطلع وطول الليل بتسهر تدرس
ج) بتدرس وبتحلق لصاحبك
د) بتطلع وبتحلق للامتحان

12- في مادة نازلة عند دكتور بفهم كثير بس أسئلته صعبة وفي دكتور ثاني ما بفهم بس أسئلته سهلة ، وين بتنزلها:
أ) ما بتعرف لأنه صاحبك نزلك برنامجك
ب) طبعا عند الدكتور الثاني بدون تردد
ج) عند الدكتور الأول لأنك بتكون متشجع أول الفصل بس بتاكل هوا بآخره
د) وين ما بتنزل تنزل ما بتفرق معك

أكثر إجاباتك (أ): انت شخص دخلت على الجامعة بالغلط ، بتحاول تدرس وتنظم وقتك بس مش زابطة معك وغالبا معك وقت لكل شي إلا الدراسة ، ولما تزبط معك وتلاقي وقت تدرس فيه بتسرح كثير وما بتدرس

أكثر إجاباتك (ب): انت شخص عندك قدرات بس مش مستغلها ، مش كثير مهتم بالدراسة ، بتدرس قبل الامتحان بساعتين وبتجيب علامة مش بطالة ، بنهنيك على صمودك بس كمان حاول تأخذ الجامعة بجد أكثر

أكثر إجاباتك (ج): انت شخص نيرد بتموت على الدراسة ، بتنام وبتصحى وانت بتفكر شو بدك تدرس ، طبعا هدا الشي بخليك تتخطى سنين الجامعة بسهولة

أكثر إجاباتك (د): انت شخص ولا إلك دخل بالدنيا ، بتيجي على الجامعة وبتروح بدون ما يتغير عليك اشي ، بس بتحضر رفع عتب ومعدلك تقريبا بين 60 – 65 ومش مفكر ترفعه

هههههههه شكرا د.اسيرة الماضي علي الموضوع المميز انا بقدر اقول عن حالي نوذج (ب)لا اكيد هوا لاني من اول ما دخلت الجامعة حاسس انو الوضع مش طبيعي ضحكة عريضة

مشكور دكتور وليد على المرور العطر منك

واسعدني ان تكون اول من يرد على الموضوع

موضوع في غاية الجمال أختي الكريمة...

بس نحنا ما عرفنا أجوبتك بالأول ؟؟..لأنو أنتي صاحبة الموضوع.

دمتي بتألق أختي الكريمة..

مشكور د.نور على ردك مع انو كنت بدي منك اجابة
وانا زي اي طالب في جامعة فلسطين انو اجاباتي بتتراوح بين ج وب
يعني هيك شي
يا ريت تنور صفحتي باجابتك

مشكورة مرة أخرى على موضوعك الراقي...
بالنسبة إلي اغلب إجاباتي كانت(ج)..
تحيتي لكي أختي الكريمة ... ومشكورة على مجهودك المتميز

انا اجابتي كانت خمسة -ب- وخمسة -ج- يعني كوكتيل
مشكورة دكتورة على الموضوع الممتع
وان شاء الله ربنا بسهلها

تحليل نفسي لطالب الجامعة

1- داخل المحاضرة تحس بــ :
ج)حيويه زايدة مع حركشة في الطلاب

2- كلمة Break تعني لك :
ب) يلا نفيع.

3- دخلت على المحاضرة متأخر وحكالك الدكتور ما في تفوت ) :
د) بتفوت ولا كأنه في حدا
واذا انكفشت من الدكتور بحكيلوا كان عندي مشكلة اجتماعية في شؤون الطلاب.

4- إذا رن موبايلك بالمحاضرة :
أ) بتجاوب ولا كأنه في حدا بالمحاضرة.
ج) ما بتنتبه انه إلك وبيظل يرن.
وهاذ الاشي بعتمد عالدرجه الاولى حسب شخصية الدكتور

5- أكثر مكان بتقضي فيه وقتك في الجامعة:
ب) وين ما بتلاقي ناس بتدحش حالك.

.6- دخلت على امتحان 64 نموذج وكان الامتحان كثير صعب والأسئلة multiple choice:
ب) بتشير وبتطلع
وبنصلي ععالنبي على كل فقره
وزي ما بيحكي المتل فلها وربك بحلها .

7- بآخر ربع ساعة من المحاضرة بتكون:
ب) سرحان بتفكر بكل شي ماعدا موضوع المحاضرة.
بكفي اللي اخدناه من علم الدكتور

8- كنت ماشي بين المبنى الاول والتاني ووجدت مصباح علاء الدين وطلعلك
المارد:
ب) بتخللي يحملك لآخر الطريق
وهيك بقدر افتح معوا مواضيع جانبية وممكن اطبقوا لانو بلزمني لقدام اكتير

9- تراودك فترة الامتحانات الأحلام التالية:
ج) انك بتحل معادلات وبتجمع وبتضرب بس الجواب مش طالع معاك
واكتر حلم بيراودني اني قاعد بغش من الجنبي وبيحكيلي والله حلي غلط

10- أعطاكم الدكتور واجب:
د) ما بتسلمه للدكتور لأنك مطنش
وكالعادة اخر الفصل بنروح بكلمتين حلوين بنزبط الدكتور وبنسلمهم مرة وحدة

11- بتصل فيك صاحبك وبحكيلك طالعين بالليل وبكرة عندك امتحان صعب:
ب) بتطلع وطول الليل بتسهر تدرس
بنقدر نسمي هالاشي تنضيم للوقت

12- في مادة نازلة عند دكتور بفهم كثير بس أسئلته صعبة وفي دكتور ثاني ما بفهم بس أسئلته سهلة ، وين بتنزلها:
ب) طبعا عند الدكتور الثاني بدون تردد
وبنسبة للحصضور بنحضر عند الدكتور الشطور

الاجابات
1/أ
7/ب
3/ج
2/د
أكثر إجاباتك (ب): انت شخص عندك قدرات بس مش مستغلها ، مش كثير مهتم بالدراسة ، بتدرس قبل الامتحان بساعتين وبتجيب علامة مش بطالة ، بنهنيك على صمودك بس كمان حاول تأخذ الجامعة بجد أكثر

تقبلي مروري

المهندس

د.يوسف
مشكور لمرورك الكريم

المهندس
الوضع عندك اخر رواق ومطنش للدنيا
لقد اسعدتني مشاركتك وتعليقاتك الطريفة
دمت متميزا

تسلمي اختي موضوع رااائع بس الصفات مو اكتير بتنطبق عليا

الاجابات كالتالي :

اجابه واحده : أ
واجابه واحده : ب
اربع اجابات : د
وست اجابات : ج

أكثر إجاباتك (ج): انت شخص نيرد بتموت على الدراسة ، بتنام وبتصحى وانت بتفكر شو بدك تدرس ، طبعا هدا الشي بخليك تتخطى سنين الجامعة بسهولة

مشكورة
فلسطين
على المرور الكريم لقد اسعدتني مشاركتك